ADMINISTRASIE

Dit is vir Stellastraat belangrik dat sy personeel, aktiwiteite en geriewe goed bestuur word.

Stellatraat se eerste punt van kontak is Marelize Bester wie verantwoordelik is vir Inligting en Verhoudings.

Die Kerkkantoor van Stellastraat word oorsien deur Johan Coetsee, onder die toesig van die Kerkraad, Kerkraadvoorsitter, alle leraars en gemeentelidmate. Versorging van fasiliteite en geboue word ook deur Johan behartig.

Finansiëlebestuur is die verantwoordelikheid van Susan Visagie, terwyl Kommunikasie en databasis-versorging onder leiding van Lollie van Niekerk is.

Die ruggraat van Stellastraat is die kantoor- en terrein-ondersteuningsspan. Matha Malatji is aktief as kantoor-assistant, en Patrick Thabe en Thabo Radzuma as terrein-assistante. Thabo is ook verantwoordelik vir Stellastraat se Herwinningsentrum.

Die span word word verder ondersteun deur Diensgroep Administrasie en Taakgroep Diensverhoudings.

Die bediening van hierdie Diensgroep is om te help dat al die ander bedieninge slaag. Dit is die wiele van die Stellatstraat trein. Dit is die elke dag se hoe kom ons by die stasie: God se doel vir hierdie gemeente binne sy Koninkryk.

Diensgroep Administrasie is lidmate se geleentheid om by enigeen van die volgende terreine te dien:

Finansies
- Die rentmeesterskap van die gemeente
- Die rekening van inkomste en uitgawes
- Die jaarlikse begroting en versorging daarvan
Eiendomme en Onderhoud
- Instandhouding van eiendomme
- Daaglikse versorging
- ‘Handyman’ betrokkenheid
- Tegnologie instandhouding
Kommunikasie
- Bepaling van en beheer oor beleid van kommunikasie in en deur gemeente
- Instandhouding van die webwerf
- Versorging van databasis
- Elektroniese en hardekopie kommunikasie
- Verbetering van al ons wyses van kommunikasie in en vanuit die gemeente – kundigheid met Webblad, Facebook, Instagram, ens.
- Tegnologiese hulp
- Beeldsending van die eredienste
- Klank en beeld versorging tydens eredienste, huwelike en gedenkdienste
Diensverhoudinge
- Predikanteversorging: waardering en evaluering
- Personeelversorging: waardering en evaluering
- Opstel en op datum hou van kontrakte en pligtestate

As jy jou gawes hier wil uitleef en hier jou diens wil lewer, skakel Malan Nel by 082 661 7888.‬‬‬

FINANSIES

Geen gemeente kan sonder geld bestaan nie en ‘n gemeente se geld kan net van een bron af kom – sy lidmate wat bydraes maak.

Die geld wat Stellastraat ontvang, word gebruik om al sy werkers se salarisse te betaal, om die geriewe in stand te hou, om dienste wat gelewer word te betaal, en om uit te reik na instansies en persone wat nood ervaar.

Finasiële bydraes is vrywillig en kan op die volgende maniere gedoen word:

Elektroniese inbetalings

NG Gemeente Suidoos-Pretoria

ABSA (Takkode 632 005)

Rek: 540 580 022