Search

Die oorverdowende stilte van ons vriende

Op Sondag 20 Maart het James se boodskap met die volgende woorde begin: “Ag tog”. Verslae woorde aan iemand in nood, wanneer enige iets anders wat jy sê oorbodig gaan klink. Om aan te sluit by sy boodskap, hóé troos ek en jy ‘n onbekende, 8 729 km vêr? Hoe wys ons solidariteit?


Ons almal word gekonfronteer met die kwesbaarheid maar ook wreedheid van die mensdom wanneer ons die beelde sien en wanneer ons ‘n naam en gesig leer ken deur die gruwelike stories. Tog, in ons eie land is ons nie vreemdelinge van skokkende beelde en geweld nie. Het ons afgewater geraak? Is ek net geskok wanneer ek lees oor die oorlog, of ruk dit my hart wanneer die woorde buite die Donetsk teater in Mariupol duidelik gewys het (in Russies): kinders? In ‘n poging om uit te vind hoe Suid-Afrikaners in hierdie tyd, op kreatiewe maniere hul solidariteit aan die beleërde Oekraïne kan wys kry ons instede: “Russian embassy thanks South Africans for showing solidarity” (The South African, 2022/03/05). En soos wat ons verder soek, raak dit al meer: Ag tog.


“Suid-Afrika gevra om te bemiddel”, lui die verklaring van die presidensie, 10 Maart. Daar is gesprekke met Putin. Met sy eweknië in Oekraïne? Met die ambassadeur van Oekraïne? Teen druktyd, 22 Maart, amper ‘n maand van oorlog later, lui ‘n berig in The Citizen: “President Cyril Ramaphosa having yet to speak to his Ukranian counterpart, Volodymyr Zelensky”. Hoe troos ek? Hoe wys ek solidariteit vir derduisende stukkende families wanneer ons eie regering nie doen nie? “In the end, we will remember not the words of our enemies, but the silence of our friends.” – Martin Luther King, Jr. “The only thing necessary for the triumph of evil is for good men to do nothing.” – Edmund Burke.


Op pad terug van Hillcrest-swembad vang dit my oog. ‘n Blou en geel lap gebind om ‘n boom in Duxburyweg. Maar wag, daar is nog een in Brooklynweg. Links met Justice Mahommed, af met Atterbury, daar is vyf! Sien julle hulle ook?


12 views0 comments

Recent Posts

See All