Daar is baie vrae in ons gemoed oor al die brandende geboue in Suid-Afrika. Watter groter prentjie kyk ons mis?
Terwyl die vernietigende brand in die Parlementsgebou vars in die geheue is, hoor ons van brandstigting in die St Georges katedraal in Kaapstad. Albei hierdie geboue het groot simboliese waarde in Suid-Afrika en het in die verlede dikwels aan verskillende kante van die politieke spektrum gestaan.
Die brand in die katedraal volg kort op die hakke van die brand in die stadsaal van Komani (voorheen Queenstown) in die Oos-Kaap, wat nie wye nuusdekking gekry het nie. Die stadsaal van Komani het nie dieselfde simboliese waarde as die Parlementsgebou en die St Georges katedraal nie. Daar is onrustigheid oor wat volgende kan afbrand. As simbole soos die Parlement en die katedraal nie veilig is nie, wat is veilig? Wat gaan volgende brand? Die Uniegebou? Die Suid-Afrikaanse Grondwet?
Stook die vuur
maak die slaai
dis die uur
ons gaan braai
Hier is vleis
en ook drank
bring die ys
ons wag lank
Maar stook die vuur
want die kos is duur
vir honger ouer en kind
Ons moet vrede vind
hier in ons land
wat alweer brand